Il Comitato Nobile Quartiere Monte, come da calendario organizza una cena conviviale sabato 27 ottobre alle ore 21.00, presso l’Hotel Villa Romana.
Un'occasione per tutti i tesserati, gli amici e i simpatizzanti del Quartiere per tornare ad incontrarsi, nell'occasione verrà celebrato il 15° anniversario della costituzione dello Statuto.
.
Per informazioni e prenotazioni contattate: Filippo Rausa, Silvio Annaloro, Giuseppe Parlascino
Tàtta ratàtta tàtta ratàtta tàtta ratàttattààààààààà
RispondiEliminaSintiti sintiti sintiti!
Stu nobbilissimu Quarteri Munti, pi principiu e spirlucenza di lu Cumitatu so’ e di tutta la so’ presidenza e quarteranza, sprumenta e adarma la CENA CONVIVIALE, ca pi cusà voli significari na manciata ‘ncumpagnì e di sbùmmicu di simpatìa cumunicativa.
Pi nun perdiri sta cugnintura, tutti chiddi ca ‘mprenòtanu pagannu, misi ‘ncacaticchiu e cu la vucca a risu, s’ana a prisintari all’Hotel Villa Romana sabbutu vintisetti ottobbri e, tutti ‘nfila senza ammuttari, pigghiari postu tavulati tavulati.
Si raccumanna l’assulutu diunu preventivu e la cchiù cumpleta disponibbilità alla inchiuta di panza, stannu accura epperò a nun guidari bivuti e nun manciari abbuffati, pirchì poi ci ponu sbummicari prubblimaticarì grossi quantu na casa.
O megghiancora, grossi quantu na Villa.
La diggestioni, a spiegamentu ‘mpinnuta cchiù sutta, è aggratis e, di ribbùffitu, garantita.
Sintiti sintiti sintiti!
Tàtta ratàtta tàtta ratàtta tàtta ratàttattààààààààà
.
La diggestioni
.
E' un miccanismu cumplicatu assai,
caru cumpari, già puru l'agghiùttiri,
ca quannu è strittu o siccu sunnu guai
il cannarozzo, e già ti po strafùttiri,
perciò ranni ha da ‘ssiri l'attinzioni
già nel masticoniare i masticoni.
.
Cussì la robba, sempri un pocu scìpita,
ca t'ha guardari di l'assai salanza,
scinni, si va sdivaca e si pricìpita
nello stòmmico vuoto della panza,
s'assumma e finu all'ùrtima purtata
si va sistema attipu supprissata.
.
Si 'nchiudi poi la bucca tua dell'arma,
sinnò la botta d'àcitu t'acchiana
e dda, co' bugghi bugghi ca s'adarma,
si sforma e trasfurmànnusi si sfrana,
stracancia di na fatta e si culura
e 'nfacci ti ci acchiàna la russura.
.
La sunnàcchiera già cala putenti
cull'occhi a pampinedda stravacanti
mentri tutta la robba diggirenti
pigghia la via ca scinni suttastanti
e si va 'nsosizzannu a quagghiaredda
ammenzu all'intistini e la vudedda.
.
Eddocu ti camina e caminannu
ci va lassannu tutta la fragranza
e si qualcosa nun t'ha fattu dannu
ci vai sucannu tutta la sustanza
finquannu, si t'aiuta Diulisanti,
cussì comu t'inchisti, ti svacanti.
Giometrico